Melange no 'Playa Club'

Estamos comezando a afeccionarnos aos concertos de balde do Playa Club. Hoxe fomos Cris e mais eu a ver a Melange. Era o primeiro concerto dos 'Atardeceres Playa Club' e o non sabiamos moi ben que nos atopariamos. O ciclo de Jazz deixounos moi bo sabor de boca e, ante a dúbida, buscamos no Youtube o que este grupo madrileño podería ofrecer. De entrada, os vídeos que vimos (entre eles 'La Cosecha') deixaban escoitar algo máis ca interesante.

Porén, o directo foi espectacular.

Non sabemos que nos depararán o resto de convidados aos Solpores do Praia Club (non soa mal o nome comercial, eh? haberá que pillalo antes de que o faga alguén tipo 'Ghadis', 'Estrella Gallicia' ou algún destes), mais comezar, comezaron moi ben.